MyGov: Davlat xizmatlari
iOS Universel / Productivité
Davlat xizmatlarining raqamli formati — tez, qulay va chegirmalar bilan.
MyGov mobil ilovasi
Yagona interaktiv davlat xizmatlari portalining rasmiy mobil ilovasidan istalgan vaqtda, masofadan turib, navbatlarsiz foydalaning.
Oila, ta’lim, ijtimoiy himoya, sport va transport kabi 20 dan ortiq sohalar, 370 dan ortiq xizmatlar va pullik xizmatlarga 10%lik chegirma.
Ro‘yxatdan o‘tish, FaceID orqali identifikatsiya, davlat xizmatlaridan foydalanish yoki ariza yuborish hamda to‘lovlarni amalga oshirish imkoniyatlari endi bir ilovada. Qulay va tushunarli interfeys va yanada ko‘proq imkoniyatlardan ilova orqali foydalaning. MyScanni sinab ko‘ring, MyScan orqali akkauntingizga login va parolni ishlatmagan holda darhol kirishingiz, xizmatlardan olingan hujjatlarni haqiqiyligini tekshirishingiz hamda yuklab olishingiz hamda xizmatlar uchun tezkor to‘lovlarni amalga oshirishingiz mumkin. Buning uchun ilovani o‘rnating va o‘rtadagi skanerlash belgisini bosing va tegishli QR-kodni skanerlang.
MyGov ilovasida foydalanuvchilar tomonidan ko‘p beriladigan savollarga javoblarni ko‘rishingiz hamda ma’lum xizmatlardan foydalanishda videoqo‘llanmalar bilan tanishishingiz mumkin. Har bir xizmat pasportida xizmat bo‘yicha batafsil ma’lumotlarni topasiz. Videoqo‘llanma, xizmat tavsifi, xizmat narxi va muddati kabi ma’lumotlar shular jumlasidan.
Ilova orqali profilingizga kiring, arizalarni boshqaring, xizmatlar uchun sharhlar qoldiring. Sizga tegishli hujjatlar, ko‘chmas mulk va avtotransport ma’lumotlari bilan tanishing, kommunal balanslarni nazorat qiling.
Nikoh holati, kredit tarixi, ta’lim krediti, avtomobil boshqaruvi uchun ishonchnoma, 50 dan ortiq turli xil ma’lumotnomalar uchun ovora bo‘lib yurish shart emas. Davlat xizmatlari uchun tashkilotlarga yozma ariza to‘ldirish o‘rniga uyingizdan turib 5 daqiqa ichida elektron ariza yuboring va belgilangan muddatda natijani oling.
To‘lovlar bo‘limiga o‘ting va 1000 ga yaqin kundalik hayotda kerakli sohalar bo‘yicha to‘lovlarni amalga oshiring. Davlat xizmatlari uchun ham to‘lovlarni ilovadan chiqmagan holda to‘lash imkoniyatiga egasiz.
MyGov mobil ilovasini o‘rnating raqamli hukumat yangiliklari bilan tanishing, vidjetlarni boshqaring va bildirishnomalar orqali muhim ma’lumotlardan xabardor bo‘ling.
Bizning missiyamiz – raqamlashtirish orqali odamlarning hayotini osonlashtirish va qo‘shimcha daromad olish imkoniyatlarini taqdim etish.
Quoi de neuf dans la dernière version ?
Yangi versiyada nimalar yangilandi?
- Ilovaning asosiy sahifasi yangilandi, endi ko‘proq qulay va zamonaviy ko‘rinishda.
- Elektron hujjatlarni bo'lishish yanada takomillashtirildi.
- Bosh sahifaga widget ko‘rinishi qo‘shildi.
- Xizmatlar va sohalar bo‘limining ko‘rinishi yaxshilandi.
- Qidiruvda mashhur xizmatlarni topish yanada osonlashdi.
- “Ko'p so‘raladigan savollar” alohida oynaga joylashtirildi.
- Ilova ishlashida yuzaga kelgan bir nechta texnik nosozliklar bartaraf etildi:
Story oynasi ochilmasligi muammosi;
Xizmatlar sahifasidagi xatolar;
Bildirishnomalar bosilganda noto‘g‘ri sahifaga o‘tish holatlari;
Androidda parol oynasiga o‘z-o‘zidan tushib qolish muammosi;
Elektron hujjatlarni topish va ulashishdagi kamchiliklar;
Hujjatlar (ko‘chmas mulk, texpasport, tug‘ilganlik, nikoh va ajrim) bilan bog‘liq ayrim xatoliklar;
Profil sahifasidagi hujjatlar tartibidagi nosozliklar;
Ilova endi yanada qulay, tez va ishonchli ishlaydi. Yangilab foydalaning!
