GMT

iPhone / Sports

2006年夏天,一班一齊踢左幾年街波的烏合之眾突然想起不如整番件隊衫著下啦,當時我二話不說就負責去買左十幾件波衫,印埋各位隊員的名及號碼係心口加背脊,又要開始諗下球隊名.

突然間有一日,我老婆問我係度做緊咩, 我就話我地班人係度組緊一支球隊,但係未諗到叫咩名,佢就玩嘢咁話,不如叫做 ”山西人妖歌舞團”啦, 我又玩嘢反問佢個名可唔可以短啲呢? 佢話咁呀,不如就叫做”歌舞團”啦……歌舞團的名稱就係咁得來!!

踢下踢下先發覺"歌舞團"個名係真係有好特別的意思,其實踢波唔係一定要贏先開心,因為大家能夠有著共同興趣/理念,一大班人定時定候走埋一齊,踢下波,休息時坐係場邊吹下水,高談闊論,間唔中大家再聚首一堂食下飯,咁樣先係最開心最享受.

平時返工已經咁大壓力,試想下如果踢波時仲要強迫自己一定要踢得好,一定要贏,一定要有好大進步,咁咪好辛苦同埋好戇居,正所謂”波並唔係咁踢嘅”,所以歌舞團足球會的精神就正如你俾錢去睇歌舞表現一樣,都係抱著一個好簡單的心態-"何必咁著緊,都係尋開心"啫!!

Quoi de neuf dans la dernière version ?

- update the screenshot images
- update app name
- update support URL